Функционалдық сауаттылық – білім сапасын жетілдірудің негізгі бағдары тақырыбындағы  мектепішілік   семинар

   Мектебімізде жылдық жоспарға  жоспарына сәйкес және мектептің білім сапасын арттыру, оқыту мен оқу,бағалау процесінің сапасын қамтамасыз ету мақсатында  2025 жылдың 26 ақпан күні  «Функционалдық сауаттылық – білім сапасын жетілдірудің   негізгі бағдары» тақырыбындағы  мектепішілік   семинар  ұйымдастырылды.Семинар мақсаты мұғалімдердің сабақта функционалдық сауаттылықты дамытудың әдіс-тәсілдерін тиімді жүргізіп, өзін-өзі тануға және өзіндік өсуі бағытында кәсіптік  құзырлығын қалыптастыру болды.

           Семинар барысында тарих, бастауыш сынып,қазақ тілі пәні мұғалімдері Ж.А.Дуйсенова, Ж.Ә.Мынбаев, Ж.Т.Сураганова ашық сабақтар, химия пәні мұғалімі Ж.М.Биболатова сыныптан тыс жұмыс, Ш.С.Курманова,А.Турганбек,А.Д.Азерткуловалар «Біртұтас тәрбие» бағыты бойынша оқушылардың  үзіліс кезіндегі уақыттарын тиімді пайдалану  мақсатында  көңілді қоңырау  өткізді.

        Семинардың практикалық бөлімінде   қатысқан  педагогтер үшін Б.Т.Бекпанова коучинг, А.Р.Мустажапова ,Ұ.Е.Ерманалиева, А.Турганбек, А.Р.Қабдрахманова тренинг, А.Е.Сейдахметова паноромалық сабақ, Ж.Т.Септемирова,З.М.Камалова практикалық жұмыс,К.Б.Сейдахмет,

А.Ш.Ахмедия,Г.С.Мусина,Қ.Д.Байділдаева,Б.С.Рамазан, Б.А.Култасова,

Ж.С.Кошкаровалар  шеберлік сабақтарын көрсетті.

              Семинарға қатысқан мұғалімдер тиімді оқыту, функционалдық сауаттылықты дамытудың әдіс-тәсілдері   туралы    ақпараттар алды. Қазіргі тез өзгермелі әлемде функционалдық сауаттылық – оқушының әлеуметтік мәдени, саяси және экономикалық қызметтерге белсенді қатысуына, сондай-ақ өмір бойы білім алуына ықпал ететін базалық фактор екенін әр түрлі тапсырмаларды орындау арқылы көрсетілді.

            Семинарға қатысушылар іс-шараның өзектілігі мен әріптестерінің кәсібилігін атап өтіп, кері байланыс арқылы жаңа идеялар мен әдістердің тиімділігін жоғары бағалады. Семинар өте қызықты,керекті ақпараттарға толы болды.