«Озат ұстаз – озық тәжірибе» педагогтердің педагогикалық тәжірибелерін тарату
2025 жылдың 07 ақпан күні Астана қаласы әкімдігінің «Әдістемелік орталығы» МКҚК ұйымдастыруымен Ы. Алтынсарин атындағы №83 мектеп-гимназия базасында «Озат ұстаз – озық тәжірибе» педагогтердің инновациялық – педагогикалық іс-тәжірибелерін тарату негізінде семинар өтті. «Ы. Алтынсарин атындағы №83 мектеп-гимназия» ШЖҚ МКК директоры Жарменова Гулмира Сергазиевна, Астана қаласы әкімдігінің «Әдістемелік орталығы» МКҚК әдіскері Айгараева Раушан Ратовна сөз сөйлеп, педагогтердің көп жылдық еңбегінің нәтижесінде пайда болған озық педагогикалық іс-тәжірибелерін таратуға қатысушы педагогтерге сәттілік тіледі.
Педагогтердің инновациялық – педагогикалық іс-тәжірибе материалдарын тарату және өзара тәжірибе алмасуына жағдай жасау мақсатында ұйымдастырылған семинарға «Сұлтанбек Қожанов атындағы №64 мектеп-лицейі», «С.Сейфуллин атындағы №80 мектеп- гимназиясы» ШЖҚ КММ, «Ж.Аймауытұлы атындағы №24 орта мектеп» ШЖҚ МКК, «Ы.Алтынсарин атындағы №83мектеп-гимназия» ШЖҚ МКК, «Райымбек батыр атындағы №50 «Қазғарыш» мектеп-лицейі» КММ, «Ақмола облысы білім басқармасының Қосшы қаласының білім бөлімінің әдіскері, Қосшы қаласы мектеп-гимназиясының педагогтері қатысты.
Аталған шарада Қалалық оқу-әдістемелік Сараптамалық кеңесте қаралып, мақұлданған авторлық бағдарламалар мен әдістемелік материалдары бойынша 24 педагог озық тәжірибелерімен бөлісіп, іс-тәжірибелерін таратты.
Семинар соңындағы кері байланыста қатысушы педагогтер өздерін ойландырған сұрақтарға жауап алып, өз кәсіби біліктіліктерін нығайтуда септігін тигізетінін атап өттіп, ұйымдастырушылар мен спикерлерге алғыстарын білдірді.
.jpeg)
.jpg)
