Нұр-Сұлтан қаласы №83 мектеп-гимназиясында Тарих апталығы жүріп жатыр. Соған байланысты тарихшы мұғалімдер Сабырқұлова А, Шакенова Г, Рустемова Ф, Керимбекова А, Демисинова А, Кайдарова Диана бастауымен оқушыларымыз «Қазақстан Республикасы Тұңғыш Президентінің музейіне» саяхат жасап қайтты. 

Музейге саяхаттың мақсаты: оқушыларды Қазақстан Республикасы Тұңғыш Президентінің музейіне сапар жасатып, Н.Ә. Назарбаев туралы мәлімет беру, құдіретті тұлға екенін таныту. Музейдің залдары, ондағы жәдігерлері туралы хабардар ету. Тәуелсіз ел болып отырғанымызға елбасы Н.Ә. Назарбаевтың қосқан үлесін көрсету.
Музей экспозицияларында айтылатын негізгі идея республиканың мемлекеттік егемендікке қол жеткізуі мен оның Тұңғыш Президенті Н. Ә. Назарбаевтың тәуелсіз демократиялық мемлекет құрудағы тарихи рөлі болып табылады.
Мұражайда келушілердің кез-келген санаты үшін қазақ, орыс және ағылшын тілдерінде шолу және тақырыптық экскурсиялар өткізіледі.
Бүгін Нұр-Сұлтан қаласындағы Тұңғыш Президент мұражайы еліміздің елордасының көрікті жерлерінің біріне айналған беделді ғылыми-зерттеу, білім беру және мәдени орталық ретінде өзін көрсете білді.
Мұражайда 40 000-нан астам мұражай экспонаттары бар. Бұл ретте Қазақстанның Тұңғыш Президенті Музейінің коллекциясы жаңа даналармен толықтырылуда . Мемлекет басшысының жеке наградалары мұражайға келушілер үшін ерекше қызығушылық тудырады. Бұл әр түрлі шетелдік ұйымдар мен әр түрлі елдердің айырым белгілері, Кеңес Одағы мен қазіргі ҚР марапаттары.