Нұр-Сұлтан қаласы №83 мектеп-гимназиясында 03.12.2021 жылы Қазақстан Республикасы Тәуелсіздігінің 30 жылдығына арналаған «Тәуелсіз елім тірегім, Самғауыңды тіледім» атты Тарих апталығының ашылу салтанаты өтті. 

  Мерекелік концертіміз мектеп директоры Теменова Сәуле Ермухановна құттықтауымен басталды.  Мектебіміздің 40 оқушысынан құралған қазақ музыкалық оркестрі әртүрлі аспаптармен күйлерін орындап, мың бұралған қыздарымыз қазақша би билеп, өз өнерлерін ортаға салды. Концерт соңында Такебаев Руслан Манарбековичтің бастауымен «Атамекен» әні орындалып, Тарих апталығының  есігі айқара ашылды.

                   

   Мақсаты: Биыл еліміздің бақытын тербеткен Тәуелсіздікке 30-жыл! Оқушыларға еліміздің тәуелсіздік алғалы  жеткен жетістіктерімізбен таныстыру, білімдерін кеңейту; бүгінгі тәуелсіздікке қалай қол жеткенін зерделеу,  оларды Отаны үшін отқа түсетін ел жанды, ел азаматы етіп тәрбиелеу.